பயனுள்ள சமையல் குறிப்புக்கள்-5

(1) கிரேவி, குருமா, குழம்பு (கூட்டு) போன்றவை
சமைக்கும் போது சில நேரங்களில் இவை
கெட்டியாகி (தடிப்பாகி) விடும். தடிப்பான
கிரேவி,குருமா,குழம்பு(கூட்டு) போன்றவைக்கு
தேவையானளவு தக்காளிப்பழத்தை அரைத்து
இவற்றுடன் சேர்த்தால் கிரேவி,குருமா,குழம்பு
(கூட்டு) போன்றவை சுவையாகவும் சரியான
பதத்திலும் காணப்படுவதுடன் இதற்கு எண்ணெய்
சேர்க்கவும் தேவையில்லை .

(2 ) நாங்கள் கடையில் வாங்கிய பீட்ரூட்,கரட்
சௌசௌ போன்ற காய்கறிகள் சில
நேரங்களில் கொழாகொழாவெனவாகி
விடும்.இப்படியாக மாறிவிட்ட காய்கறிகளை
ஒரு பாத்திரத்தில் தண்ணீர் எடுத்து அதில்
இவற்றை போட்டு இப்பாத்திரத்தை மூடாமல்
பிரிட்ஜில் வைத்தால் அடுத்தநாள் இக்காய்
கறிகள் நல்ல பிரஸ்ஸாகி விடும் .